TelegramTwitterphoneInstagramYouTubeFacebook
Хоразм вилоятини маҳаллалар кесимида ривожлантириш чоралари муҳокама қилинмоқда
Урганч шаҳрида Хоразм вилояти фаоллари ва тармоқлар мутасаддилари иштирокида йиғилиш бўлиб ўтмоқда.

 

Президент Шавкат Мирзиёев йиғилиш аввалида хоразмлик деҳқон ва фермерларни, бутун меҳнаткаш халқимизни бугунги Қишлоқ хўжалиги ходимлари куни билан яна бир бор табриклади.

- Хоразмга бу йил иккинчи марта келяпмиз. Мақсад - сизларнинг кўзларингизга қараб, вилоятдаги долзарб масалаларни муҳокама қилиш, яна нима имкониятлар бор, қандай тартиб, қандай кўмак керак, нима натижа бўлади, деган саволларни қўйиб мулоқот қилиш. Баландпарвоз гаплар билан иқтисодиётни юритиб бўлмайди. Муаммони билсак, қарор тўғри, адолатли бўлади, - деди Президент.